Elephantidae

Elephantidae
Elefants africano (ezquierda) y asiatico (dreita)
Denominacions populars
elefantidos
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Mammalia
Orden:	Proboscidea
Familia:	Elephantidae
Descripción
Elephantidae Gray, 1821

Os elefantidos (nombre cientifico Elephantidae) son a sola familia actual de l'orden d'os proboscidios, orden de mamiferos caracterizau por a trompa u proboscide.

Se caracterizan por tener molars hipsodonts. A lo principio encomienza a gastar-se a primera dient de cada hemimandibula, dimpués a segunda, dica que no bi ha que una dient funcional, y cuan s'ha gastau reapareix a primera.

No bi ha defensas en o maxilar inferior, no bi n'ha que en o maxilar superior.

As formas actuals son tropicals y tienen a piel cuasi espullada, (mantenendo bel vestichio de pelo). Manimenos en os primers meses de vida tienen pelache regularment distribuito, y bi habió formas pelutas en o pasau cheolochico, (os mamuts).

Tienen glandulas odoriferas en a frent y un par de mamas pectorals.

A clasificación d'as formas fosils cambia muito d'acuerdo con os autors. Cheneros basicos son:

Herperorloxodont (extinto)
Loxodonta (os actuals elefants africanos son d'este chenero: Loxodonta africana y Loxodonta cyclotis)
Paleoloxodont (chenero exctincto, común en Europa en os periodos interglaciars y que chenero especies menutas en as islas mediterranias)
Mammuthus (chenero extinto que colonizó tundras y taigas y pasó a America d'o Norte).
Elephas (l'actual elefant asiatico, Elephas maximus ye d'este chenero).

A vegadas se fa servir incorrectament o nombre "elefant" ta referir-se a la familia Elephantidae en cheneral.

Zoonimia

L'elefant (en especial l'asiatico) ye mencionau en o "Libro d'el Trasoro":

Dientes son de boyre, et su pico es clamado promoistre, que es senblant a la sirpient. Con aquel pico prende la bianda e metela en su boca, et es asi de grant fuerça que el quiebra tanto quanto el fiere.

E asi dizen los crimoneos que el .ij. enperador Fedric ne aduxo vno en Crimonja, que le enbio preste Iohan de las Indias, que ellos lo vieron ferir de su pico vna asna cargada asi fuert que el la gita en vna casa. E es el elefant muy fiero, no por que el viene

...fria; e dizen aquellos que visto lo han que el elefant quando cahe no's puede leuantar por todo su poder, por que el no ha en los ginollos njnguna juntura; mas natura, que todos animales guja e dreça, le muestra a cridar ad alta voz, tanto que todos los otros elefantes de la tierra...

Tamién ye citau en Secreto Secretorum:

Et piadoso como la tortol et maliçioso como la leona et es priuado de casa como la paloma et es artero et enganyoso como la rrabosa et sinple como el cordero et quexoso et leugero como la rebeca que quier dez[i]r cabra montesa Et es perezoso ansi como el honso et es preçioso et amado como el elefant^[1]

Una variant antiga d'a palabra elefant en totas as luengas escritas d'a Edat Meya yera olifant y ye tamién como se conoix a un traste de viento feito de vori de catirón d'elefant.

Referencias

↑ (an) Secreto secretorum.

Datos: Q2372824
Multimedia: Elephantidae / Q2372824
Especies: Elephantidae

[1] (an) Secreto secretorum.

[1]