Lettland

Dëse Geographiesartikel iwwer Europa ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Latvijas Republika


Detailer	Detailer

Offiziell Sprooch:

Haaptstad:

Staatsform:

• President:

• Premierministesch:

Fläch:

64 589 km²

• Dovu Waasser:

1,5 %

Bevëlkerung:

1.856.932 (Stand 1. Januar 2025)^[1]^[2]

Nationalfeierdag:

18. November

Nationalhymn:

Dievs, svētī Latviju
(Lauschteren)

Wärung:

Euro (EUR)

Zäitzon:

UTC +2 (+3 am Summer)

Internet TLD:

.lv

Internationalen
Telefonsprefix:

+371

Lettland (lv: Latvija) ass eng Republik am Nordoste vun Europa. Lettland läit tëscht senge balteschen Noperen Estland (Norden) a Litauen (Süden). Am Weste mécht d'Küst zum Ostmier d'Grenz. Am Osten, respektiv Südosten, grenzt Lettland u Russland a Wäissrussland.

Geographie

Lettland besteet am Weesentlechen aus fënnef historesche Regiounen: Kurland (Lettesch: Kurzeme) am Westen, Livland (Vidzeme) am Nordosten, Semgallen (Zemgale) a Selonien (Sēlija), enger schmueler Sträif tëscht dem Floss Düna (Daugava) an der litauescher Grenz, gradewéi Lettgallen (Latgale) am Südosten.

Et besteet gréisstendeels aus enger hiwweleger Moränelandschaft mat Bëscher, ville Séien an enger laanger, relativ flaacher Küst. Déi längst Flëss a Lettland sinn d'Düna an d'Gauja. De Lubānsséi ass mat enger Fläch vun 80,7 km² de gréisste Séi a Lettland, iwwerdeems den Dridzaséi den déifste Séi an de baltesche Staaten ass (bis zu 65,1 m déif).

D'Haaptstad Riga ass och de geographeschen Zentrum vum Land. De Golf vu Riga, eng Bucht um Baltesche Mier, läit am Nordweste vum Land.

D'Republik Lettland huet eng Fläch vu 64.589 km² an ass domat just e bësse méi kleng wéi den Noper Littauen (65.300 km²). D'Land erstreckt sech an Ost-West-Richtung iwwer 450 km an an Nord-Süd-Richtung iwwer 210 km.

Geschicht

Um Enn vum Zweete Weltkrich gouf Lettland vun der Rouder Arméi eruewert an duerno als Lettesch Sozialistesch Sowjetrepublik un d'Sowjetunioun ugeschloss, bis et nom Zerfall vun där, den 21. August 1991 nees en eegestännege Staat gouf.

D'Republik gouf 2004 Member vun der NATO a vun der Europäescher Unioun.^[3] Den 21. Dezember 2007 ass Lettland dem Schengen-Raum, an den 1. Januar 2014 der Eurozon bäigetrueden.^[4] Den 1. Juli 2016 gouf Lettland Member vun der OECD.