స్టేట్ బ్యాంక్ ఆఫ్ ఇండియా

ప్రభుత్వ రంగ బ్యాంకుల్లో అతిపెద్దది, స్టేట్ బ్యాంక్ ఆఫ్ ఇండియా స్టాక్ కు 31 మంది అనలిస్టులు సగటున 10 స్కోరు ఇచ్చారు. బై లేదా స్ట్రాంగ్ బై సిఫార్సు చేశారు. ఐదుగురు అనలిస్టులు హోల్డ్ రేటింగ్ ఇచ్చారు. ఒక్క అనలిస్ట్ మాత్రం సెల్ రేటింగ్ ఇచ్చారు. ఎస్బీఐ షేరు ధర ఈరోజు 0.5 శాతం పెరిగి రూ. 811 వద్ద ట్రేడ్ అవుతోంది. సంస్థ మార్కెట్ క్యాపిటలైజేషన్ రూ. 7.48 లక్షల కోట్లుగా ఉంది.

హిండాల్కో ఇండస్ట్రీస్ లిమిటెడ్

ఈ స్టాక్ సగటున 10 స్కోరు పొందింది. 18 మంది అనలిస్టులు బై లేదా స్ట్రాంగ్ బై రేటింగ్ ఇచ్చారు. ఐదుగురు హోల్డ్, నలుగురు సెల్ రేటింగ్ ఇచ్చారు. హిండాల్కో షేరు ధర ఈరోజు స్వల్పంగా 0.15 శాతం పెరిగి రూ. 745 వద్ద ట్రేడ్ అవుతోంది. కంపెనీ మార్కెట్ క్యాపిటలైజేషన్ రూ. 1.67 లక్షల కోట్లుగా ఉంది.

హెచ్డీఎఫ్సీ బ్యాంక్

ఈ స్టాక్ కు సగటున 9 స్కోరు ఇచ్చారు అనలిస్టులు. 35 మంది బై లేదా స్ట్రాంగ్ బై సిఫార్సు చేశారు. ముగ్గురు మాత్రం హోల్డ్ చేసుకోవాలని సూచించారు. సెల్ రేటింగ్ ఎవరూ ఇవ్వలేదు. హెచ్డీఎఫ్సీ బ్యాంకు షేరు ధర ఈరోజు 0.7 శాతం పెరిగి రూ. 970 వద్ద ట్రేడ్ అవుతోంది. కంపెనీ మార్కెట్ క్యాప్ రూ. 14.89 లక్షల కోట్లుగా ఉంది.

ఐసీఐసీఐ బ్యాంక్ లిమిటెడ్

ఈ స్టాక్ సగటున 9 స్కోరు పొందింది. 35 మంది అనలిస్టులు బై లేదా స్ట్రాంగ్ బై రేటింగ్ ఇచ్చారు. ఇద్దరు హోల్డ్ రేటింగ్ ఇచ్చారు. ఒక్కరు కూడా సెల్ రేటింగ్ ఇవ్వలేదు. ఐసీఐసీఐ షేర్లు ఈరోజు 0.3 శాతం పెరిగి రూ. 1,407 వద్ద ట్రేడ్ అవుతున్నాయి.

యాక్సిస్ బ్యాంక్ లిమిటెడ్

ఈ స్టాక్ కూడా 9 స్కోరును పొందింది. 30 మంది అనలిస్టులు బై/స్ట్రాంగ్ బై రేటింగ్ ఇచ్చారు. 10 మంది హోల్డ్ రేటింగ్ ఇచ్చారు. ఈరోజు యాక్సిస్ బ్యాంక్ షేర్లు 0.2 శాతం పెరిగి రూ. 1,058 వద్ద ట్రేడ్ అవుతున్నాయి. కంపెనీ మార్కెట్ క్యాప్ రూ. 3.28 లక్షల కోట్లుగా ఉంది.

రిలయన్స్ ఇండస్ట్రీస్

దేశంలో అతిపెద్ద వ్యాపార సమ్మేళనం రిలయన్స్ ఇండస్ట్రీస్ స్టాక్ కు అనలిస్టులు 9 స్కోరు ఇచ్చారు. 30 మంది బై లేదా స్ట్రాంగ్ బై రేటింగ్ ఇచ్చారు. ఒక్కరు హోల్డ్ చేసుకోవాలని సూచించగా, ఇద్దరు సెల్ రేటింగ్ ఇచ్చారు. ఈరోజు రిలయన్స్ షేర్లు 0.5 శాతం పెరిగి రూ. 1,383 వద్ద ట్రేడ్ అవుతున్నాయి. కంపెనీ మార్కెట్ క్యాప్ రూ. 18.71 లక్షల కోట్లుగా ఉంది.

గమనిక: ఈ కథనం సమాచారం కోసం మాత్రమే. పెట్టుబడి సలహా కాదు. స్టాక్ మార్కెట్లో ఇన్వెస్ట్ చేసే ముందు నిపుణుల సలహా తీసుకోండి.