Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum decembro: 50, 100 e 250 yari ante nun …
26 di decembro1975. La Tupolev Tu-144, aeroplano di USSR, komencis komercala servado, inter Moskva ad Alma-Ata, portante postajo e kargajo. Komercala flugi por pasajeri komencis en novembro 1977. L'aeroplano esis desegnata da la desegno-kontoro di Alexei Tupolev, por eventuala utiligo da la kompanio Aeroflot. La prototipo unesmafoye flugis ye 31 di decembro 1968. Ye 5 di junio 1969 ol unesmafoye flugis plu rapide kam sono; ol flugis ye duople di la rapideso di sono ye 26 di mayo 1970. Developado esis tardigata pro acidento ye l'aero-expozo di Paris en 1973.
3 di decembro1925. En New York, la piano-koncerto-peco da George Gershwin esis unesmafoye pleata. La kompozuro esis komisata da la direktisto e kompozisto Walter Damrosch, qua audabis la unesma pleado di Rhapsody in Blue en februaro 1924; il demandis ke la kompozuro esus en tri movimenti, quale kustumala klasika koncerto-peci, ed instrumentizita da la kompozisto ipsa. Gershwin komencis skisuri en mayo 1925, e komencis kompozado por du piani en julio. Ye 10 di novembro la instrumentizuro esis kompleta, e la nova verko probesis plu tarde en ta monato da orkestro engajita da Gershwin. La Simfoni-Orkestro di New York, direktata da Damrosch, e kun Gershwin ye la piano, donis la unesma publika pleado. Ol bone recevesis da la audantaro, e la orkestro balde donis plusa pleadi, en New York ed altra-loke.
16 di decembro1775. En Steventon en Hampshire, Anglia, la skriptisto Jane Austen naskis, filiino di paroko. Elua unesma publikigita romano esis Sense and Sensibility, qua aparis en 1811. Plusa romani esis Pride and Prejudice (1813), Mansfield Park (1814), ed Emma (1815). Elua lasta kompletigita romano esis Persuasion, qua aparis en decembro 1817, kelka monati pos elua morto, kun elua unesma romano Northanger Abbey, kompletigita por publikigo en 1803 ma ne lore publikigata; oli esis kune imprimata en un tomo. Entote imprimesis 1750 kopiuri, qui rapide vendesis.
La rolo di Benjamin Franklin persuadis Britania pulsar Francia ek Kanada e kinadek yari pose persuadis Francia helpar pulsar Britania ek Usa esas extrema pruvo di paktal arto.
Franklin esis un ek la fondinti di Usa e kunkompilinti dil Usana konstituco de 1776.
Prato esas regiono di la Tero ube la dominacanta plantaro konsistas ek herbi, nam la pluvo ordinare ne esas suficanta por sustenar plu alta plant-formi.
Esas tri speci: savano, o tropikala herblando, havas grosa herbi, e trovesas en Afrika e Sud-Amerika.
